Sámi Duodji liseansageavaheaddjit

Marja Magga

Mun lean Biera Niillasa Duommá Márjá, dahjege Márjá Risten Magga. Mun lean riegádan ja bajásšaddan Vuohču sámi gilážis. Mun lean studeren Lappi universitehtas Roavvenjárggas, gos válden luohkkáoahpaheaddjeoahpu. Lean […] easkka ládje báhcán ealáhahkii. Mu oahpuid earenoamáš deaddu lea leamaš giehtaduodji. Lean bargan olles bargoáiggi iežan ruoktogilis Vuohčus. Vuohču skuvllas lean oahpahan ee. giehtaduoji ja sámi duoji. Duodji lea leamaš mielde mu eallimis gitta mánnávuođa rájes. Duodjemeašttir, mu eadni, Jovnna Issáha Elssá Eilá Gunilla - Eilá Magga, lea leamaš mu dehálaččamus oahpaheaddji ja ovdagovva. Eatni duodjemáhtu bokte munnje lea sirdašuvvan árbevirolaš duoji ivdnemáilbmi ja hápmegiella. Dasa lassin lean oassálastán máŋggaide Sámi oahpahusguovddáža duodjegurssaide. Duodji lea munnje vuohki muossánit ja beroštupmi dan guovdu lea nohkameahttun. Lean eanaš duddjon iežan ja lagamuš olbmuid dárbbuide.

Oktavuohtadieđut

Marja Magga
Finland
Liseansanummir
SDA151

Sámiráđđi

saamicouncil@saamicouncil.net +47 950 25 926
Postboks 162
9735
kárášjohka / karasjok

Norge
Design Árvu Code Vitikka