Sámi Made
Sámi Made dohkálašvuođamearka lea ođđa gálvomearka, mii lea gárgehuvvon doarjun dihte sámi kreatiivvalaš ealáhusaid. Mearkka sáhttet buot sápmelaččat geavahit iežaset buktagiidda. Dan ulbmil lea muitalit oastái guđe buktagiid sápmelaš dahje sámi fitnodat lea ráhkadan. Sámeservodat deaivida dán áigge olu buktagiid mat vižžet inspirašuvnna sámi kultuvrras, muhto maid eai leat sápmelaččat ráhkadan. Go olbmot ostet buktagiid main lea Sámi Made-mearka, de sii dihtet ahte sii dorjot sámi ealáhusaid ja sámi servvodaga.
Sámi Made-dohkálašvuođamearka juogada ja hálddaša Sámiráđđi. Sámi Made-mearkka sáhtát ohcat dál. Jus du gažaldagat Sámi Made-mearkka birra váldde oktavuođa Sámiráđiin:
E-poasta: reetta.tornensis@saamicouncil.net
Telefuvdna: +358 50 499 3351
SÁMI MADE DOHKÁLAŠVUOĐAMEARKKA OHCAN
Dohkálašvuođamearkka ohcamušat sáddejuvvojit digitálalaččat dáinna skoviin.
Sámi Made dohkálašvuođamearkka njuolggadusat gávdnojit dáppe.
Sámi Made dohkálašvuođamearkka eavttut:
- Buktaga lea ráhkadan sápmelaš, sápmelaš joavku dahje fitnodat, man váldooamasteaddjit leat sápmelaččat.
- Buktaga lea ráhkadan ovttaskas sápmelaš, dahje máŋga sápmelačča
- 1.) gean ruovttugiella lea sámegiella, dahje
- 2.) gean vánhema, áhku dahje ádjá, dahje áhku dahje ádjá vánhema ruovttugiella lea leamaš sámegiella
Ruošša beale sápmelaččain leat čuovvovaš meroštusat:
- Don anát iežat sápmelažžan ja dáhkidat ahte:
- 1.) Don, okta du váhnemiin, áddjá dahje áhkku lea čálihuvvon sápmelažžan riegádanduođaštusas dahje eará almmolaš báhpáris
Gálvoetikeahtat ja liseansamáksu
Sertifiserenmearkka geavaheaddjit galget máksit 250 NOK juohke nuppi jagi liseanssa ovddas. Dát ruhta gokčá goluid sertifiserenmearkka čuovvulanbargui, mearkka geavaheddjiid márkanfievrrideapmái ja boasttogeavaheami čuovvuleapmi. Mearkka geavaheaddjit ožžot 150 gálvoetikeahta go ohcamuš dohkkehuvvo; etikeahtas lea Sámi Made -mearka ja du persovnnalaš liseansanummir. Dan maŋŋá sáhtát dárbbu mielde tiŋgot mearkkaid. Oaččut maid digitála veahkkeneavvupáhka man sáhtát geavahit márkanfievrridit iežat fitnodaga.
OZAT GO SÁMI buvttadeddjiid?
Geavat ohcandoaimma gávdnan dihte sámi buvttadeddjiid.
| Licence number | SMA048 |
|---|---|
| Profile picture |  |
| Name | Ellen Berit Dalbakk |
| Name of Company/Name of handicrafter | Elle Bigge AS / Ellen Berit Dalbakk |
| Email hidden; Javascript is required. | |
| Telephone Number | +47 997 96 947 |
| Address | Reinåsveien 92, 9440 Skánik/Evenskjer |
| Bio Company/Duojár | Mon lean Rámavuolien eret, norgga bealde Sámien. Duodjie lea leahkán iežan eallimin dan rájen go riegáduvvojin. Barggan dipmadujiin ja lean váldán duodjeoahpuo Sámij åhpådusguovdásj:in. Duddjon sihke árbevirolaš duojie ja ođđamállet hámiid duojie vuolggansajien. I come from the village of Rámavuollie on the Norwegian side of Sápmie. Duodjie has been a part of my life ever since I was born. I work with dipmaduodjie (duodjie in soft materials) and I am educated at Sámij åhpådusguovdásj / Samernas, the leather and textile line. I sew both traditional duodjie and modern designs based on duodjie. Jeg kommer fra bygda Rámavuollie på norsk side av Sápmie. Duodjie har vært en del av livet mitt helt siden jeg ble født. Jeg arbeider med dipmaduodjie (duodjie i mjuke materialer) og har utdanning fra Sámij åhpådusguovdásj / Samernas, skinn og tekstil-linja. Jeg syr både tradisjonell duodjie og moderne design med utgangspunkt i duodjie. |
| Country | Norway |
| Picture of Work | |
| elbeda |
