Sámi Duodji
Sámi Duodji dohkálašvuođamearka lea vuođđuduvvon juo 1980-logus. Dat lea dovddus duođaštus eakti sámi duojis. Sámi duojáriid hástalussan leat dán áigge fake-sámeduojit. Dohkálašvuođamearkka ulbmil leage addit oastái dieđu das, mat buktagat leat eakti sámi. Go olbmot ostet dujiid main lea Sámi Made-mearka, de sii dihtet ahte sii dorjot sámi duojáriid ja sámi servvodaga.
Sámi Duodji dohkálašvuođamearkka hálddašit ja juogadit sámi duodjeorganisašuvnnat:
- Suomas - Sámi Duodji ry
- Ruoŧas - Sámi Duodji Sameslöjdstiftelsen
- Norggas - Duodjeinstituhtta
Sámi Duodji -mearkka sáhttá geavahit dujiide, main leat árbevirolaš ávdnasat, hápmi, teknihkka dahje geavahus vuođđun. Listu lea sirrejuvvon váldoávdnasa mielde. Fuomáš ahte čiŋat lea sierra kategoriija. Duojit galget duddjojuvvon bures, vai dat bistet ja girdet dábálaš geavaheami.
Listu lea mearriduvvon geassemánus 2023.
Čoahkkimis ledje: Duodjeinstituhtta, Sámi Duodji Sameslöjdstiftelsen, Sámi Duodji ry ja Sámiráđđi.
Originalagiella lea davvisámegiella. Veršuvdna 1. 04.09.2023
Sámi Duodji dohkálašvuođamearkka ohcan
Dohkálašvuođamearkka ohcamušat sáddejuvvojit digitálalaččat dán neahttasiiddu bokte.
Duojárat, geain lea jo Sámi Duodji-mearka, fertejit sáddet ođđa ohcamuša, vai besset geavahit ođastuvvon mearkka. Boares mearkkaid ii sáhte geavahit 31.12.2023 maŋŋá.
Liseansakantuvrrat (Sámi Duodji ry, Sameslöjdstiftelsen Sámi Duodji, Duodjeinstituhtta ja Čepes Sam Arts and Crafts Association) meannudit Sámi Duodji-mearkka ohcamušaid. Meannudanáiggiid ja áigemeriid gávnnat liseansakantuvrraid neahttasiidduin.
Sámi Duodji dohkálašvuođamearkka njuolggadusat gávdnojit dáppe.
Sámi Duodji dohkálašvuođamearkka kritearat:
- Buvtta lea giehtaduodji, iige buvttadeamis leat geavahuvvon máŋgenreaidu.
- Buktaga lea duddjon sámi duojár, dahje máŋga sámi duojára.
- Lea buvttaduvvon árbevirolaš ávdnasiin. Árbevirolaš ávdnasiid meroštus gávdno árbevirolaš ávdnasiid ovdamearkkaid listtus, maid gálvomearkka hálddašeaddji beaiváda.
- Vuođđun lea árbevirolaš sámi duodji, árbevirolaš hábmen dahje árbevirolaš atnu.
- Sápmelaš lea olmmoš, guhte atná iežas sápmelažžan ja
-
- gean ruovttugiella lea sámegiella, dahje
- gean vánhema, áhku dahje ádjá, dahje áhku dahje ádjá vánhema ruovttugiella lea leamaš sámegiella
Ruošša beale sápmelaččaide leat čuovvovaš meroštusat:
- Don anát iežat sápmelažžan ja dáhkidat ahte:
- Don, okta du váhnemiin, áddjá dahje áhkku lea čálihuvvon sápmelažžan riegádanduođaštusas dahje eará almmolaš báhpáris.
Sámiráđđi sáhttá Sámi Duodji -dohkálašvuođamearkka hálddašeaddjin beaivádit ja rievdadit eavttuid.
Gálvoetikeahtat ja liseansamáksu
Sertifiserenmearkka geavaheaddjit galget máksit 250 NOK juohke nuppi jagi liseanssa ovddas. Dát ruhta gokčá goluid sertifiserenmearkka čuovvulanbargui, mearkka geavaheddjiid márkanfievrrideapmái ja boasttogeavaheami čuovvuleapmi. Mearkka geavaheaddjit ožžot 150 gálvoetikeahta go ohcamuš dohkkehuvvo; etikeahtas lea Sámi Duodji -mearka ja du persovnnalaš liseansanummir. Dan maŋŋá sáhtát dárbbu mielde tiŋgot mearkkaid. Oaččut maid digitála veahkkeneavvupáhka man sáhtát geavahit márkanfievrridit iežat fitnodaga.
Ozat go sámi duojáriid?
Geavat ohcandoaimma gávdnan dihte sámi duojáriid.
| Profile picture | Name | Name of Company/Name of handicrafter | Country | Link to Single Entry |
|---|---|---|---|---|
|
No entries match your request. |
||||
| Profile picture | Name | Name of Company/Name of handicrafter | Country | Link to Single Entry |